२.५ ते १० वर्षे वयोगटातील मुलं
मुलांच्या भावविश्वाला पुरक साहित्य म्हणजेच गोष्टींची पुस्तकं,बालगीत, बडबडगीत,अभंग,भजन असे नानाविध प्रकार मुलांच्या सानिध्यात असायला हवेत.
या सर्वांची जबाबदारी म्हणून सवंगडीत विचार केला आहे.सवंगडी बालवाचनालयात गोष्टींच्या पुस्तकातील चित्रात स्वतःची गोष्ट निर्माण करण्याची संधी घेत मुलं गोष्ट वाचायला कधी सुरुवात करतात हेच कळत नाही.
कमी वाक्य व आकर्षक चित्रांची अनेकविध गोष्टींची पुस्तकं मुलांना सहज हाताळता येईल अशी पुस्तकांची मांडणी केलेली असते.मुलांना पुसृतकातील गोष्ट सांगत असताना गोष्टीच्या विश्वात रमलेली बाळ सवंगडीत बघायला मिळतात.
मुलांना स्वतः गोष्टीचे पुस्तक निवडून ते पुस्तक वाचनासाठी घरी घेऊन जाता येते.सवंगडीत वाचन संस्कृती नकळत रूजली आहे.
