सवंगडी विषयी

"मुलांना शिकवू नका,शिकू द्या" हा मूलमंत्र घेऊन सवंगडी या आगळ्या वेगळ्या उपक्रमाची सुरवात झाली.

सवंगडीची स्थापना १ फेब्रुवारी २०११ रोजी मुलूंड (पू) येथे झाली. मुलांना बालपणाची निखळ व निरागस अनुभव देणारी हक्काची अशी जागा असायला हवी हा सवंगडी सुरू करतानाचा पहिला विचार होता. सवंगडीच्या पहिल्या दिवसापासून मुलांच्या सर्वांगीण विकासाचा विचार करूनच सर्व उपक्रमाची मांडणी करायचे नियोजन काटेकोरपणे जात आहे.जेंव्हा सगळीकडे इंग्रजी नावाची ओळख घेऊन त्याच नावाचे बोर्ड (पाट्या)बघायला मिळत होते तेंव्हाच सवंगडी अस्सल मराठी मातीतला,मातृभाषेची ओळख अनेक माध्यमातून करून देण्याचा प्रयत्न करणारा उपक्रम मुलूंड (पू)इथे सुरू झाला. २०२१ हे वर्ष सवंगडीचे सुवर्ण वर्धापनाचे आहे.

प्रत्येक वर्षी मुलांच्या आवडीनुसार व मुलांना शिकण्याची संधी देणारे खेळ बदलत गेले. जुने ते सोने म्हणत असताना काळाबरोबर आधुनिकता ही मुलांसोबत सवंगडीत आली. प्रत्येक उपक्रम अभ्यासपूर्ण पध्दतीने व साधेपणाने इथे राबविला जातो. सवंगडीच्या प्रवासात मुलांच्या पालकांना ही सहज ओळख पालकांनी होत जाते.

दशकपूर्ती नंतर सवंगडीच्या शाखा इतरत्र सुरू करण्याचा संकल्प घेत आहोत. कोव्हीड नंतरचा काळ सर्वांनाच आव्हानात्मक होता,विशेष तोटा झाला तो लहान वयातील मुलांचा म्हणूनच सवंगडीच्या माध्यमातून मुलूंड बाहेर काम सुरू करत आहोत.